Hnangv Haaix Nor Siou Liouh Iu-Mienh Nyei Waac ?
Posted on: Wed, Jul 25, 2007; 10:00 PM
Offline
Hnangv Haaix Nor Siou Liouh Iu-Mienh Nyei Waac ?
Cien Hnamv Nyei Iu-Mienh Pongh Youv Doic,
Yie zeiz yietc dauh oix hoqc caux oix siou liouh Iu-Mienh nyei waac camv haic nyei mienh. Wueic laaix yiem lengh daaih, maaih dorngx oix naaic nyei ziangh hoc mv lamh naaic dorngx. Se gorngv mienh muoz haaix dauh maaih hnyouv oix tengx Yie nor, tov mbuox deix oc.
Se gorngv maaih mienh zeic nyunc [volunteer] tengx nyei nor, zuov Yie qiemx zuqc naaic nyei ziangh hoc Yie manc post Yie nyei waac-naaic yiem naaiv norm site.
Caux haaix dauh maaih kuv za'eix gorngv taux oix hnangv haaix nor zoux cingx haih siou liouh duqv mbuo Iu-Mienh waac daaih borqv zunh bun hoz baan mienh nor yaac tov mbuox deix oc. Yie hnyouv hnamv nor oix bun mbuo nyei waac-naaic caux waac-dau yietc zungv dorng zuangx nyei jiu tong doic yiem naaiv norm site. Hnangv naaic bieqc naaiv norm Web site nyei mienh muoz yietc zungv duqv caux jienv hoqc, goiv zorc, caux bun za'eix.
Yie nyei waac-naaic nyei nyungc zeiv:
Dongh yiem nding fai sormv nyei fou naaic In wuonh[Janx-Ang Gitc waac] hnangv haaix nor heuc?
Yie lorz buatc nyei maaih hnangv njiec mingh naaiv nor:
fou= 1. n. {nzung/sipv mienv waac} nqox
beiv hnangv: yiem-yunh ~-cai; setv faam-~
Kaeqv: [丈] 夫
In wuonh: husband
2. n.[mbiauz]nyei tauv qiex ga'naaiv fai dorngx
bhn: mienh longc mba'zorng tauv qiex, maaih mbiauz aeqv longc ~ tauv
Kaeqv: [魚的] 鰓
In wuonh: gill [of a fish]
3. n. [diux/forng] yiem diux fai forng-mueiz dongh zoux daaih bun baqv liuz mv hongh heic
jaiv ndutv nyei dorngx
bhn: naaiv nyungc diux mv maaih ~ kuangx mbiauz mv nangc jienv benx
Kaeqv: [魚鉤、箭的] 倒鉤;
In wuonh: barb [of a fish hook/ of an arrow]
4. n. [sormv/nding]zoux an sormv fai nding bun ga'naaiv bieqc liuz cuotv mv duqv nyei gaengh
bhn: mbiauz bieqc liuz sormv cuotv mv duqv laaix sormv maaih jienv ~
Kaeqv-Waac...lorz mv gaengh buatc...
In wuonh ....trap-door ???
Naaiv se ziez ziex baeqv norm nzangc duang nyei yietc norm nyungc zeiv hnangv.
Haaix dauh haih tengx duqv, gengh zongc zingh mv zienx...
Camv-Norm Mh Zing Tengx Jienv Mangc Gauh Buatc Duqv Jangv
YunhLinh
[quote] Yie oix duqv zuangx mienh nyei eix gix [opinion] gaax zuqc hnangv haaix nor zoux/zeix cingx daaih haih benx longc? Zuqc zeix ei Fai-Bung mienh nyei waac fai Kaeqv-waac; aqv fai ganh zuqc zeix siang-waac mv ei nyeic fingx mienh nyei.
Yie ganh nyei hnyouv oix nor sei gaav Janx-Kaeqv nyei daaih liuz longc Iu-Mienh nyei nzung-waac faan bemx daaih longc. [/unquote]
--------------------------------------------------------------
Yie mv baac oix hnangv meih Yunh Linh gorx gorngv nor, mbuo gaav Janx-Kaeqv nyei daaih liuc longc 'Mienh nyei nzung-waac faan benx daaih longc corv horh longx. Yie mv haih 'Mienh nyei nzung-waac, mv baac yie manh manc hoqc yaac O.K nyei.
--------------------------------------------------------------
Cien hnamv nyei yietc zuangx Iu-Mienh dengv bieiv mienh, cong-mengh biuv caux pongh youv doic mbuo,
Yie coqv jang daaih caux Iu-Mienh yiem nyei ziangh hoc, yie haiz dauh baav mienh gorngv se mbuo Mienh waac naaic bun mv nqoi daaih gorngv. Ninh mbuo corc aengx gorngv taux "siang" naaiv joux waac nyei nyungc zeiv bun yie muangx. Ninh mbuo gorngv "siang" yaac gorngv siang, maaih deix zungv huv nzengc mi'aqc yaac gorngv siang. Zien sic nor in wueic gorngv naaiv joux waac nyei mienh mv hiuv duqv [part of speech]. Se gorngv mengh baeqc wuonh faac nyei mienh nor, naaiv joux waac gorngv duqv cing haic nyei laaix zuqc maaih joux zeiz [noun] aengx maaih joux zeiz [adjective].
Laaix naaiv norm gorn youh, yie cingx haiz oix tov yietc zuangx mienh muoz daaih juangc jienv zoux bun maaih Iu-Mien nyei [part of speech].
Yie haiz oix lorz caux siou liouh Mienh waac nyei. Wueic zuqc Mienh nzangc zeiz siang-nzangc caux mv gaengh maaih wuonh faac[grammar], se gorngv fiev benx sou norh yaac fiev mv haih mengh ndongc haaix. Laaix zuqc hnangv naaic nor, yie haiz oix zeix bun cuotv [part of speech] daaih liouh porv naaiv deix lorz buatc caux oix siou liouh nyei waac.
Yie oix duqv zuangx mienh nyei eix gix [opinion] gaax zuqc hnangv haaix nor zoux/zeix cingx daaih haih benx longc? Zuqc zeix ei Fai-Bung mienh nyei waac fai Kaeqv-waac; aqv fai ganh zuqc zeix siang-waac mv ei nyeic fingx mienh nyei.
Yie ganh nyei hnyouv oix nor sei gaav Janx-Kaeqv nyei daaih liuz longc Iu-Mienh nyei nzung-waac faan bemx daaih longc.
Due to my partly Chinese background, so my preference may be bias that is why I need as many opinions as possible from my Iu-Mienh friends before coining all these words.
Nyungc zeiv se maaih hnangv njiec mingh naaiv nor:
Iu-Mien Part of Speech [瑤語詞類][Iu-Mienh Zeih Lueih]
English: Chinese: Iu-Mienh Nzung-waac:
noun = 名詞 = mengh zeih.....eg. Iu-Mienh, norqc, siang, sou, sapv.......
verb = 動詞 = dongz zeih....eg. fiev, gorngv, lorz, liouh, longc.......
adjective = 形容詞 = hinx yuangh zeih.....eg. siang-[siang], [maaz] jaic, yietc cie [huox]....
pronoun = 代名詞 = doic mengh zeih...eg. yie, meih, ninh, naaiv dauh, uov guanh, zeic ganh...
conjunction = 連接詞 = linh borqv zeih....eg. caux, fai, mv baac, mv zeiz.....
preposition = 介詞 = gaaix zeih...eg. in wueic, dongh cor, zeic congh, zuqc....
auxiliary verb = 助動詞 = tengx dongz zeih....eg. [mingh]liuz, [buatc]ioux, [mangc]zaanc....
adverb = 副詞= fux zeih...eg. deng-deng[nyanc], huang-zaang[benc], baeng hmei ndioux ndiangx [faaux]...
interjection = 嘆詞= taanx zeih....eg. aav yuv, aqc mangc gau ! oeix ! haeqv daic yie !
Naaiv se zeiz nyungc zeiv hnangv. Tov meih mbuo tengx jienv daav ziouv-eix caux bun deix eix ginx oc.
Laengz Zingh Camv Jiex
YunhLinh
Camv-Norm Mh Zing Tengx Jienv Mangc Buatc Gauh Jangv
naaic norm joux waac se hnangv janx nor gorngvhomophoneuov joux waac.
different meanings but sounds the same. i myself have never heard of the other definitions. only the one for husband. fou-cai 夫妻 and setv faam fou 殺三夫 which is from the faam-forng gaa. 三喪歌