Ih Jaax Mienh Nzung Nyei Nzung-Zeih

Mienh Jomc Korv-Lienh Auv

i. Korv-lienh gau...auv caux Ie doh naanc
Ndongc lingh deic lungh haanx...mv duih mbiungc mbiauh hmeiv hei-meih
Puix Ie mienh jomc...douz yaac zuqc biomv...zaangh zuqc gaeqv nyiex
Mv maaih domh biauv siang-cie...laaix puix Ie...meih naaic ndongc norh kouv

ii. korv-lienh auv...puix mienh jomc zuqc kouv
Mv dangh jiex buv zou...mv nzaatv jiex uom-mbuonv ndaang
Mv duqv zorng hmien...mangc lui houx mv maaih kuaaiv siang
Zoux mienh seix baengh juangh...nyanc mv beuv bueix yaac mv jorm

nzamc: Ndongc haaix kouv...meih mv zoux hnyouv doqc
Mienh seix jauv njuotv go...meih caux doh mv guangc Ie huaang
Hnamv ietc mv maaih i...horc-norh horc-kix bun baengh dangv
Mienh seix jauv fioux taux njang...bun mbuo naaiv maaih nyanc maaih iem

iii. Laengz zingh en...auv mbaih hlen zorng seix nzueic
Gengh se longx fiem je...duqv caux meih puix juangc fou cai
Mbuo manc gapv hnyouv...ndongc haaix kouv manc zornc taux maaih
Auv nyei hnyouv gengh se jaaix...ov..funx daaih auv maaih en gau

[dorng]

baengh juangh=poor
fou-cai=i husband and wife

Jomc Nyei Hnoi

i. Ziangh mienh iem seix...maaih nyaanh lungz...haaix dauh yaac buatc gorngv yaauc
Sieqv, in, zinh, diuv, cox lunc gau...mv buatc ietc dauh nzorng winx
Gorngv waac ndongc congx...aengv tong tin
Jaav nyinh...yaac gorngv zeiz zien

ii. Maaih nyaanh nyutc zeiv...mingh taux haaix...zuangx cien pongh youv tongx nimc
Cunv in mbenc diuv maaih bun nquin...kuv nyinh waac gorngv daaih buang
Zuov jomc nyei hnoi...buatc buatc nzuangv nzuangv
Zoux hnangv jangx...mv bei

nzamc: Mienh mbenc lai mbenc diuv...mienh zoux mv hiuv loz-hnoi pongh youv
Hliangv dungz cun jai...hlutv dungz-nqaiv...mienh gorngv Ie naaiv haih
Zunc tiuv jauv go...gaeng hniev ziangh hoc...mienh cingx daaih tov taux Ie

iii. Ih zanc jomc kouv...buangh mienh muoz...mienh gan jauv-njuotv biaux wingc
Buatc Ie nyei hmien mienh tiux bingx...ioux Ie nzorng ndongc nqaiv-buonx
Laaic daaih gaav zangx...zorqv gaengh guon
Nzuonx...mingh mv oix gaav bun

[dorng]

gaeng hniev=gaeng janx-daic

Oix Nyiemv Nguix Iem Reno

i. Reno mungv nzueic...mingh liuz Ie gengh hnamv nzuonx
Nyaanh siqv ietc buon...yaamc caux nyaanh beu nzuonx biauv
Auv gorngv mv muangx...sorng mbuonx juangv jiez njuotv gau
Biauv zong auv-jueiv hnyouv nzauh...jauv mbiaangc gau nzauh heix ndortv horngx

ii. Gaam ndaang mv nyanc...hnamv liuz gengh se qiex jiex
Nyanc orv hopv beer...ietc seix cietv zanv betv zanv
Dorn-jueiv tov deix...hemx tin nqaex deic...biauv siangx ndanc
Koiv-lai nqemh jaaix mv nyanc...dorh fungx janx guangc njang

nzamc: Ndortv liuz gaav cien...hnamv jienv lorz daaih ban buonv
Maiv gaengh jiez muonz...gaav daaih zoux buonv yaac ziangx
Nzengc jauv...nzuonx biauv...hnyouv lunc fiem huaang
Zuqc dunx fiem daaih guangc...duqv nzunc liuz...gengh se ioux gau

iii. Nyaanh zinh zaaux njang...gengh oix domh sing...nyiemv nguix
Laaix mauv nyaanh ndui...Ie naaiv ndortv gau taux mbungv
Faang-ndoqv nyaanh cin...zanv daaih ziex nin...ie ndortv kungx
Zuangx cien mangc ie zoux nyungc...tov simv longx...Reno

[dorng]

Jangx Laauv Jangx Biauv

i. Leih liuz Laauv-Zaa...hnyouv hnoi-hnoi jangx biauv
Gengh ndoqc gau...taux naaiv Meiv Guoc maaic gong
Jangx haic auv...caux fu'jueiv ziex bung
Daaih taux buatc domh mungv...mangc haaix bung mv buatc cien

ii. Nqox daaih go...yaac mv ceux...zoux hnyouv zaqc
Maiv nziaauc bar...hopv diuv lunc forngx nyaanh
Maiv zuotc ndouv zinh...nquin diuv yiouh jiex hiaang
Daaih go hnyouv huaang...meih mbuo hnangv haaix nor iem

nzamc: Taux Meiv-Guoqv...jangx meih mbuo kuonx jienv douv
Maiv benx siouc...bueix mv jorm jangx haic langz
Gaeqv nqingh nqou...maiv mingh ceux sieqv dorn iaang
Hnamv jienv buatc auv-jueiv hnangv...funx jienv hnoi daaux nzuonx buatc hmien

iii. Nyaanh zinh duqv deix...maaiz junh nzueic nzuonx DORNV auv
Meih iem biauv...liepc hnyouv zuqc zunv eix
Duqv nyaanh liuz...manc gaanv huaang nzuonx biauv buatc meih
Zoux hnyouv uonv dungx faanv fei...mbuo nyei seix cingx...baengh orn

dornv: to give something as present [Lao language]

[dorng]

Hnamv Sieqv-Muic-Cengx

i. Mv buatc jiex mienh...hnangv Cengx
Buangh liuz Cengx...horpc hnyouv
Cengx nzueic duqv doix fiem-jei...Cengx naaiv hnangv norm zou
Zepv zoix maiv zouc...oix iem sin-hlen

ii. Sieqv-dorn aiv hlang...corngv ioux
Yaamc uotv hnyouv...mingh hnamv
Daaih buatc liuz Cengx mienh nzueic...yaac haiz Cengx gorngv waac-gaam
Gengh hnamv meih camv...nduqc dauh sieqv Cengx

nzamc: Ie naaiv corngv jiex...Sieqv-Faam, Feix, Luoqc
Mv gaam nzaaih mbuoqc...corngv meih Sieqv Cengx
Bun nzengc mba'nziu...fungx zunv meih...oix meih jomc ningv
Gorngv Cengx maaih zingh...tov mbuox deix oc

iii. Mongc meih nyei hnyouv...yaac engx
Sieqv-Muic Cengx...tov hnyouv ndaauv
Zuov Ie zornc gaux leiz-ging...manc gan Cengx nzomx...nzomx-dauh
Bun duqv juangc biauv...caux meih sieqv Cengx

[dorng]

engx =daapv-engx / dau " o.k " nyei eix-leiz

Nimc Hanc Gin Huaa

i. Gin huaa biangh...nqoi iem Mienh langz
Nzueic daaih hnangv...sieqv nyei lui-guaan
Oix duqv daaih...an baaih buoqc zangc...lungh ndorm lungh muonz
Mv maaih ietc buon...leih sin

ii. Oix mingh taux...buatc ninh eiv coux
Hanc nzengc hnyouv...maengc zeiv yaamc ziu
Hnamv gau ninh...ninh yaac mv mangc...corv maaih ziouv liuz
Mun mba'nziu...mv duqv taux hlen

nzamc: Nzueic duqv zuqc hnyouv...hnamv kouv...yaamc haih duqv meih daaih mangc
Maiv hnangv sopc bang...ndiangx hlang...mbuei faaux caux nziaauc
Maaih nqimv buangv ndiangx...nquaav hlaang...cingx daaih zuqc nzauh
Ndiangx hlo nduov ie hnamv gau...kungx-zaux caaiv ndau...mbiaa mv taux gin huaa

iii. Meih nyei ndiangx...ziangh sin maaih ceix
Oix hnomv meih ... gaeqv yaac mv nzaaic
Caaiv nyorng ndau...mv zeiz fingx norqc...maaih ndaatv haih ndaix
Kungx duqv daaih....ormx hanc

Benx gau...benx gau...sieqv-dorn...benx gau...gin huaa...ndiangx hlang

[dorng]

buoqc zangc=to worship
ceix=big thorn
gin huaa biangh=a kind of flower
ormx hanc=secretly envy

Tov Zoux Longx Zuoqc Zuiz

i. ie naaiv jiex daaih...ziex nyungc zoux dorngc
Iem huaav langz-horngc...ceux lunc bun auv mun hnyouv
Hopv diuv zoux wuaaic...nziaauc sieqv piauh duv jiex ziou
Auv-jueiv uom-mueic torngx liouc...zuqc doh naanc nyiemv wueic ie

ii. ie naaiv jiex daaih...zoux mv gan jauv
Mingh zoux wuaaic gau...ndaamv-jauv sueih lanc sueih baeng
Ganh benx jienv nqox...zongc hnamv oix dorng houx-saeng
Nquin liuz mborqv auv hmien maeng...mv korv-lienh auv-jueiv mbuo

nzamc: Ih hnoi nyie liuz...cingx huaang nzuonx daaih tov auv
Jiex daaih nyei jauv...ie naaic zoux dorngc gengh siem
Ie laengz jamv fingx...dingh njiec mv mingh zoux tim
Ndie, in manc simv...nzuonx daaih caux auv dongh fiem

iii. Zuqc tov guangc zuiz....bun nqox oc auv
Jiex daaih nyaiv gau....njiec mingh manc hoqc zoux jaaix
Laaix auv hnyouv longx...mienh seix cingx iem taux naaiv
Daaux daaih zoux longx zuoqc maaiz...zuiz nipc hlo faix...tov guangc

[dorng]

piauh duv= to visit prostitutes and to gamble [ by mean to do negative thing]
zuoqc zuiz=to redeem the mistakes
zuiz-nipc=sin/wrong-doing

Zuotc Janx Zornc Nyaanh

i. Gemh lomc sieqv-dorn...corv nzorng zoux liangx cun-gaeng
Ioux kouv mbong mbaengx...guangc biauv mingh Wiang^Jan^
Ioux kouv biuv liangx...nzopc mbiauh jun miev gaatv nqaan
Njiec janx-mungv zornc nyaanh...zoux gong iem bar serve lai

ii. Gorngv Mienh waac bun...ninh mbuox koiv Maenv kon laau [ie zeiz janx-Laauv]
Gorngv Mienh mv dau...zoux hnangv ninh mv hiuv
Maaih nyaanh ong-gox...nyaanh ndornh[dollar]ndanc dongz mba'nziu
Buatc huaang cunv uom gunx diuv...hopv gau la'kuqv mengh fingx

nzamc: Zitc hnyouv gau...buangh buatc taux gengh siem
Ndongc nzuqc guetv fiem...gengh haiz korv-lienh camv
Zuotc janx lorz nyaanh...hnyouv hnamv oix duqv nyaanh zam
Baeng nyaanh cingv duqv qam...koi nyaanh camv duqv bueix

iii. Nzuonx mbuo loz-langz...juangc nyanc lai-zaamv hnaangx-nqaai
Mv zuqc janx caaiv...bun mienh maaic dorngx huox
Haaix hnoi nzuonx hiaang...ie laengz manc mingh zuov
Hnamv haiz oix bun mbuo...iem mbong juangc biauv dorng jaa

[dorng]

wiang^jan^=the capitol of Laos
mengh fingx=full name

Iu Cuotv Dongc

i. Ziou-dingh yienc tiuv...Mienh suiv njiec janx
Iu-Mienh bun nzaanx...suiv njiec iem janx-mungv
Ndioux guangc ...loz-jauv loz-jung
Dae Maa kuv nyungc...tiuv guei-jei zuotc janx
..hnangv suiv liouc jiex taan...corv mv haih liouc daaux nqaang
Hnamv mangc liuz fiem huaang...korv-fiqv Iu fingx

ii. Hnamv zuqc mbuo naaiv...zinh ndaangc iem mbong
Juangc zouv dongh zong...maaih ganh nyei leiz caux waac
Mv zuqc...zuotc janx-Laauv-Zaa
Hoqc Aqv^Me^Riqv^Gaa...lorz janx-leiz daaih gunv
..Bienh Gouv Hungh nyei zeiv fun...leiz, waac, zorng-zuqv zeix bun
Lomh nzoih oix taan bun...mbuo nyei fun-faqv

iii. Taux naaiv Meiv Guoc...njien-youh kuv-iem
Maaih nyaanh maaih jiem...daaix haih la'kuqv nzengc
Oix mongc ietc zuangx Iu-cien...tengx jienv taaih ceng
Zaangv mbuo nyei mengh...mv bungx
..Juix waac benx nzung...gorngv bun
Gouv-laic borqv douc zeiv fun...lomh nzoih oix taan bun...mbuo nyei Iu-fingx

[dorng]

Donv Gox Ndie

i. Tov ziqc zuiz....bungx tape mbui...dungx gaengh nzorng
Hopv beer i ziex gorng...baaux ngorng-ngorng rorngv^ lam^ a'nziaauc
Mbui ndanc biauv...mv dungx gaengh hemx...tov dungx liemx...ga'naaiv-diuv nquin

ii. Iem...Meiv Guoqv ndau...gong camv gau...nyauv jiex jaaix
Taux hnoi dingh njiec daaih...cingx duqv maaih...nzung, beer, diuv
Tov baaux diuh...jaev deix nzauh...oix caux baaux...mv zuqc nyaiv niaa

repeat: Lauh gau...mbuo cingx buangx
Buatc ietc zuangx...mienh muoz doic...hnyouv yaac eix...fiem yaac oix
Duqv camv-hnoi...cingx buangh nzunc...gorngv oix lunx...zuqc zanv gong
Zoux hnyouv fong-yongh...daaih juangc baaux nzung

iii. Duqv doic taux...a'hneiv gau...nzauh yaac fiu
Buangh liuz njien-youh zien...buangh liuz hmien...jorm fiem longx hnyouv
Njien-heiv louc...dungx hietv go...gamh nziex gox...lorz jauv njien-youh

[dorng]

donv=to stop

Zeuz, Jiouh Linh Baaux

Lomh Nzoih Baengh Orn